|
港人至爱偷情地 以突破性的主题，深入探讨追女仔的心态及手法 一男一女情到浓时，难免要搵地方温存一番，若果两人都冇自己地方都几麻烦。以往可能要去时钟酒店，但始终唔系咁多人接受到。今时今日偷欢之地已经唔再系得九龙塘咁寡，起码可以去离岛度假屋，手头鬆动o既，仲可以去大酒店添，而且呢种地方各项设施、交通同价钱都几吸引，有兴趣真系大可以试试。 青年至爱度假屋 要讲偷欢胜地，又点能够唔提离岛度假屋呢！相对往日，度假屋对偷欢男女o既吸引力已经大不如前，就算大屿山现在可以搭车入去，始终距离太远，唔系太适合繁忙o既香港人。平日收费约为二百至三百元，对年轻人黎讲算系几吸引。另外，大屿山梅窝同长洲都有时钟度假屋，平日价钱只系五、六十元。若果去长洲仲可能再平o的，是关依照仲有好多人怕「果味o野」嘛！就算计埋船费车钱，两个人最贵都系约四、五百蚊。度假屋o既好处系可以鱼目混珠，起码冇去酒店同时钟别墅咁尴尬啦！郊外地方又可以玩其他户外活动，最适合年轻而又时间多o既情侣。最紧要系唔怕畀人撞见，就算遇到熟人，都可以话同班Friend入黎宿营，咁就冇有怕啦！推介大屿山梅窝「海×度假酒店」，套房式设计，有晒VCD机，大可以边睇边做，而且装修都算新，平日去算系好抵。 富贵偷欢大酒店 其实酒店房比以前平左好多，有好多大概五百蚊已经可以搞掂，七百蚊套餐仲包埋自助餐添！咁样价钱好多人都负担得起，唔再系富豪级享受。某个地处旺区o既酒店，更特设时租方便大家，够晒悭时间。交通方便系一个好「正」因素，事关酒店通常地处市中心，偷欢男女大可以Wet餐饱，先至返酒店，又冇去九龙塘时钟酒店咁明刀明枪。酒店入面，又有泳池健身室等设备，大可以o系房玩完再出黎做运动。始终酒店o既消费都系各类偷欢场地中最贵o既，较适合一群略有经济基础，而又未有自己地方o既男女偷欢之用。 别墅最o岩中年人 九龙塘o既时钟酒店，其实收费一律都唔贵，一间普通房，过夜（11:00pm至翌日2:00pm）四百六，时钟每五个钟三百四十二蚊（资料由根德小筑提供），一般人都负担得起。据负责人表示，时钟酒店人客路，以三、四十岁居多，一般后生仔女好少去。不过九龙塘交通唔算方便，计你「打的」入去，条数都成五旧水玩一晚。加上九龙塘最多时钟酒店系人都知，你入去搞乜啦，假若唔好彩畀熟人撞到正都事少，畀妹妹畀阿妈见到就大获喇，所以o系呢度偷情o既年轻人就较少。 而且九龙塘除左匿埋o系房开波之外，周围连七仔都搵唔到一间，其实都几唔方便。不过呢o的时钟酒店依家都做到几高水淮。电视、拖鞋乜都有，好似酒店咁，仲有特别房，装修到好似森林呀、山洞咁，如果为左纯粹搞o野，呢度都几多花臣玩。 |
